Kakaibang Kwento - Only in the Philippines!

Kung meron man akong PINAKA-Paboritong palabas sa QTV, ito ay ang programa ni Pia Guanio na ANG PINAKA. Mapapanood ito tuwing linggo 6pm syempre sa QTV Channel 11.

Marami kang matututunan sa palabas na ito. Ito ang programmang dapat panoorin ng mga taong mahilig sa trivia tungkol sa mga Pinaka-sikat, Pinaka-kakaiba, Pinaka-magkamukha, Pinaka-malala, Pinaka-matanda atbp. Binalak ko na gumawa ng aking sariling Pinaka list noon pa pero ewan ko ba kung bakit hindi matuloy-tuloy.

Kaya ngayon, itutuloy ko na

Nilista nila ang Sampung Pinaka-Kakaibang kwento dito sa ating bansa. Noong una akala ko ay tungkol ito sa pulitika (well, slight lang) na puro kaboringan ang laman ngunit ako'y natuwa dahil sa mga lumabas sa listahan pero sige na nga, may parte dyan na nadismaya ako..

Eto nag ilan sa mga kakaibang kwento na nakasali sa listahan:

Jose Rizal with his illegitimate son, Adolf Hitler.. HOOWAT?!

ANAK NI JOSE RIZAL SI ADOLF HITLER - Nasa hayskul ako noong una kong marinig ang kalokohang ito. May mga kaklase ako na sobrang mahal na mahal ang history at may mga pagkakataong nagdedebate sila tungkol sa mga bagay na pawang kalokohan lamang.

Paano nga ba naging anak ni Rizal si Hitler? Puntahan na lang ninyo ang artikulo na isinulat ni Manuel Quezon III dito . Napagalaman ko rin na anak din daw umano ni Rizal si Mao Zedong! Naku naman, ang dami na pa lang anak ng Pambansang Playboy este, Pambansang Bayani natin!

Darna: Kampon mo ba ang nasa malaking mall? Umamin ka!

Valentina: Bakit wala ba kaming karapatan mag-mall?

Kung kaya ninyo, mas kaya namin!

Photo credits: http://marsravelo.tripod.com

AHAS SA ISANG MALAKING MALL - Nakakatawang isipin na isa ito sa mga pinaniwalaan namin noong bata pa kami.

Kapag sinasabi ko noon sa mga kaibigan ko na pumunta ako sa mall na ito, tinatanong nila ako kung nakita ko ang ahas na diumano'y anak ng may-ari ng mall. Nakain pa nga daw si Alice Dixon at sabi nila wag daw akong lalapit sa fountain na lagi ko naman pinupuntahan noon habang kumakain ng cotton candy.

Ngayon ko lang naisip na siguro namimiss na ng mga tao si Valentina noon o di kaya'y nais lang talaga nilang siraan ang mall na iyon dahil patok na patok sa masa. Sana sinabi na lang nila na nasa ilalim ng mall ang…

Kano: Now Tell me.. where's the big buddha?

Yamashita: It's over there.. uhm, under… where?

YAMASHITA'S TREASURE AND SUPER BIG NA NGA, GIANT BUDDHAS PA! - Ito ang hanggang ngayon ay napakalaking palaisipan pa rin sa mga pinoy. Nasaan na nga ba ang Yamashita's treasure? NAsaan ang malaking golden buddha? Totoo nga ba ito?

Nagkaroon pa ng pelikula tungkol dito at balita ko'y maraming treasure hunters ang hanggang sa ngayon ay gumagastos ng milyon para lang mahanap ito. May tsismis nga din na balak nilang ipagiba ang eskwelahan ni Kenjo para lang tignan kung nandoon pa nagtatago ang Golden Buddha. Marami na ang nasayang na pera, marami na din ang namatay sa mga kweba. Pati ba naman edukasyon ng mga kabataan ay isasakripisyo para lang sa kayamanang ito? Hibang na nga talaga tayo kung gayon. Bakit hindi na lang kayo humingi ng himala sa pamamagitan ni..

JUDIEL NIEVA NG AGOO's APPARITION - Naalala niyo ba ang bata na taga-Agoo, La Union na diumano'y nagkaroon ng isang apparition? Ako hindi eh hehe

Sabi nila marami daw ang naniwala dito na pati mga deboto ay lumuwas pa talaga sa agoo para makita din nila ang nakita ni Judiel Nieva pero tila siya lang ang nakakakita ng mga himalang ito kung kaya't hoax na itong maituturing.

Nasaan na ng aba si Judiel Nieva?

Siya na po si Angel Dela Vega… with Big Bumpers.

Himala! Photo Credits: http://gabemercado.multiply.com

Pero sa lahat ng nasa countdown, dito ako pinaka-dismaya           

Tasaday: Kasinungalingan nga ba?

Photo credits: www.tasaday.com

TASADAY HOAX - Paborito ko ang Civics and Culture noong nasa elementarya ako at hanga talaga ako sa mga artikulo tungkol sa mga kababayan natin na tila hindi pa mulat si sibilisasyon at isa doon ang grupo ng mga Tasadays.

Nakatira sila sa mga kweba at talagang parang sinaunang panahon pa ang kanilang paumumuhay. Nasabi ko pa nga sa aking sarili na paglaki ko ay lalakbay din ako papunta sa Mindoro para mamigay ng relief goods at used clothes. Ganoon na lamang ang pagkabigla ko nang aking mapagalaman na HOAX lang pala ang nasa libro ko. Hindi lang pala ako at ang mga mambabasa ng librong iyon ang naloko kundi ang buong mundo. Bakit ba ito nagawa ni Elizalde? Para sumikat? Para yumaman? O dahil sa ambisyon ng mas nakakataas sa kanya?

Ay ewan ko basta niloko ninyo kami.

————————————————

Lima lang muna ang aking ipinamahagi. Ayoko i-blog ang tungkol sa nanguna sa listahan dahil gabi ngayon, mag-isa ako sa sala at nakapatay ang ilaw.. waaah search nyo na lang

Sana nagustuhan ninyo ang mga kakaibang kwento ko-Only in the Philippines!